Plantun de Prouvènço

Pèr coumpara dos planto d'encò nostre

Rhinanthus alectorolophus & Lithospermum officinale

Crèsto-de-gau

Rhinanthus alectorolophus

Orobanchaceae Scrophulariaceae

Àutri noum : Tartarèio, Tartareo, Tartarìo, Tartarièio, Cascavello.

Nom en français : Rhinanthe crête-de-coq.

Descripcioun :
La crèsto-de-gau es uno planto coumuno que trachis dins li prado e pelouso un pau umido de mountagno. La meno alectorolophus, se recounèis à si long péu torse dóu "calice", de mai de 1 mm. Li bratèio soun d'un verd blanquinous.

Usanço :
Li crèsto-de-gau soun de planto parasito pas manjado pèr li bèsti. Caupon de rinantino empouisounanto que pòu servi contro la tavanìo. An peréu la prouprieta de tencha la lano e la sedo en jaune.

Port : Erbo
Taio : 10 à 60 cm
Fueio : óupousado
Tipe bioulougico : Teroufite
Cicle bioulougico : Planto de l'an

Gènre : Rhinanthus
Famiho : Orobanchaceae
Famiho classico : Scrophulariaceae

Ordre : Lamiales

Coulour de la flour : Jauno
Petalo : irreguliero
Ø (o loungour) flour : 1,8 à 2,2 cm
Flourido : Printèms - Estiéu

Sòu : Ca
Autour basso e auto : 0 à 2300 m
Aparado : Noun
Mai à juliet

Liò : Prado umido - Pelouso
Estànci : Subremediterran à Subaupen
Couroulougi : Éuroupo-Èst
Ref. sc. : Rhinanthus alectorolophus (Scop.) Pollich, 1777

Erbo-di-perlo

Lithospermum officinale

Boraginaceae

Àutri noum : Erbo-de-la-perlo, Erbo-perliero, Tè-perla.

Noms en français : Grémil officinal, Herbe aux perles.

Descripcioun :
Aquelo planto, un pau grando, se recounèis majamen à si fru blanc qu'esbrihon coume de perlo. Autramen, quouro flourejo, sèmblo proun à l'erbo-de-la-pisseto, mai èi proun grando, majamen si fueio. Peréu s'atrobo pas dins li mémi relarg.

Usanço :
L'erbo-di-perlo èi couneigudo pèr bèn ajuda à pissa (diuretico). Sougno li graviho dóu ren. Se pren en tisano un cop la planto seco. Servié peréu pèr leva de gran dis iue emé la grano (de bouta souto la parpello de dessouto).